le—. w 5635 N Ordnung: 2. Was geſtalten man ſich in Wewrönoth varfür vnd Holt behüte/ ſo es zum
Sturm kommet/ zu verhalten habe/ von Vnſeren Gnaͤdigen Herꝛen ond Oberen in beyden Raͤhten auffgeſetzt/ vnd kuͤnfftigs alle Fronfaſten· Bott auff den Ehrenzuͤnfften/ zu Maͤnniglichs nachrichtung abzuleſen Erthant/ Sambſtags den 12. Decembris/ Anno 1663.
Rſtlichen/ ſollen auß den ſambtlichen ſechs Quartieren hiediſſeit von den jenigen Perſohnen/ die ſonſten auff dem Lermen⸗ Platz zu erſcheinen ſchuldig/ ſechs vnd dreyſsig/ vnd Namblichen auß jedem Quartier ſech Mann/ ſo Burger ſeind/ von jedes Quartiers Vorgeſetzten geordnet/ vnd denſelben aufferlegt werden bey entſtehenden Fewrs⸗Bronſten(darfür vns Gott gnaͤdig bewahren wolle) mit Ihren Seitengewehren/ wie auch Springſtoͤckhen => oder Hellenparten/ ſich alſobalden an dem Orth da die Bronſt außkommen/ ohngeſaumbt eynzufinden/ neben Herꝛen Schultheiſſen/ Gerichtſchreibern vnd den Ambtleuthen/ Ze) gute Ordnung halten zu helffen/ alles das jenige/ ſo auß dehnen mit Bronſt angegriffenen Haͤuſeren getragen wurdet/ an ſichere Orth zu verſchaffen/ auch(außert dehnen EZ 8 fo rettung vnd hulff thun koͤnnen) niemanden herbey zn laſſen/ zu ſolchem ende den Platz gantz zu vmbſtellen/ alles vnordenliche gelaͤuff zu verhuͤten/ vnd in dieſem allem Se, Ihrem von den Few, Herzen deßhalben geſetzten Hauptman gewaͤrtig zu ſeyn.
Am Anderen/ ſollen vber die Jenige Perſohnen ſo bereits zu der Ehren⸗Zünfften Fewr⸗Eymeren außgelegt annoch von jeder Zunfft zween Mann außgeſchoſſen/ vnd denen befohlen werden/ wann von Fewrs wegen Sturm geſchlagen wurdet/ ſſch alſobalden nach dem Rhathauß zubegeben/ alda die Eymer abzuholen/ zu denſelben/ wie auch zu dehnen welche nothhalben von anderen bereits abgeholt wehren/ gute ſorg zu tragen/ vnd wann das Fewr gedaͤmpfft/ ſolche gefliffenlich widerumb zu ſamblen vnd auff das Rhathauß zu luͤferen. Ingleichem ſollen von den Auffenthalteren dreyſsig Mann außgeſoͤndert werden/ welche auff jehweiligen Nothfahl alſobalden dem Fewr zueylen/ mit Waſſer tragen vndloͤſchen Ihr moͤglichſtes thun/ auch mit vnd neben dehnen fo gehörter maſſen auß den Burgeren zu den Eymeren auß gelegt ſeind/ Ihrem von den Fewr⸗Herꝛen geordneten Hauptmann gehorſamb ſeyn/ vnd was Ihnen in ſolchen Fewrsnöͤthen von demſelben befohlen würdet/ eyferig vnd gefliſſenlich außrichten ſollen...
Betreffend Drittens/ di Maurer vnd Jmmerleuth/ weiche von einer Ehren /Zunfft zu den Spinnwetteren/ mit Ihren Inſtrumenten/ zum Fewr außgelegt ſind/ ſolle es dabey fuͤrbas ſein ohngeaͤndertes verbleiben haben/ vnd dieſelbe Ihrer habenden Ordnung getrew lich nachkommen.
Zum Vierten/ ſollen alle die jenigen/ ſo nicht zum Fewr verordnet/ oder der Fewrs noth ſich nicht zu befahren haben/ alßbalden die Sturmglocken angezogen/ auff den jenigen Platz vnd Poſten/ dahin fie ſonſten ohne das gehoͤrig: So dann die Rhaͤt(außert dehnen welche Haubtmannſchafften tragen/ vnd den Quartier⸗Herꝛen/ dehnen in allweg in Ihren Quartiren auff den gewohnlichen Lärmenplaͤtzen zu verbleiben obligt/ mit gezimmendem Gewehr vnder das Rhahthauß: Die Handwercks⸗Burſch aber mit jhren Seitenwehren auff den Kornmarckht an den Orth/ die Gantt genant: Ingleichem die Auffenthaltere ſo nicht außgelegt/ auch auff den Kornmarckt an Ihren gewohnlichen Orth ſich verfuͤgen/ vnd alda biß Ihnen widerumben naher Hauß zu gehen erlaubt wurdet/ verbleiben. Die Kinder aber vnd ander vnn tz Geſind/ nicht weniger die jenigen Mann⸗ vnd Weibs⸗Perſohnen/ die kein Waſſer herbey tragen noch ſonſten hulff thun konnen/ deßgleichen alle froͤmbde Leuth ſollen weder auß den Wuͤrths⸗ noch Burgers Haͤuſeren gelaſſen/ ondern da ſie auff den Gaſſen betretten/ durch die Battrouille vnd beſtelte Wachten mit ernſt naher Hauß gewiſen/ vnd fahls fie ſich wider etzten/ von denſelben angehalten vnd gebuͤyrend verzeigt werden.
Vnd die weilen für das Funffte/ bey finſterer Nacht die Hartzpfannen nicht genugſamen Schein von ſich geben/ als ſollen kuͤnfftigs bey entſtehenden Fewrs⸗Bronſten/(welche Gott gnaͤdig abwende /) die fo keine Hartzpfannen zuverſehen haben/ fur die Fenſter Ihrer wohnungen brennende Liechter in Laternen hencken oder ſtellen..
An dem Scchſten/ ſollen die ſenigen Eychenen ond mit Eyſenen Reyffen verfehene Boclthen/ welche Vnſere Gnaͤdige Herzen vnd Oberen zu dieſem Ende machen/ vnd zween in dem groß fen Spitthal/ zween in dem Karꝛenhobff vnd zween jenſeit Rheins zu Clingenthal auff ſonderbahre hierzu gemachte Schleifen legen laſſen/ bey angehendem Sturm/ damit das Waſſer in ſolche geſchüttet werden möge/ alsbalden gleich den Leydtfaſſen der Bronſt zugeführt/ nach beſchehener löſchung aber/ an das Orth von dannen fie abgeholt/ viderumben verſchafft/ vnd alda auff Ihren Schleiffen jehweils in bereitſchafft ligend/ gewahr ſamblich auffgehalten werden.
Siebendens/ damit im fahl der noth/ an dehnen zum Fewr dienlichen Inſtrumenten kein abgang erſcheine/ vnd die jenige/ dehnen ſelbige abzuholen obligt/ dehren vmb ſo viel mehr verſicheret ſeyen/ Als ſollen die Zunfft/ Geſellſchafften/ ohnherꝛen vnd Andere/ welchen fie in ver wahrung gegeben/ ſolche nicht allein alle vnd jede Fronfaſten beſichtigen/ vnd was fie daran ſchadhafft befinden/ verbeſſeren/ ſonderm auch die felbe in guten Ehren zu erhalten/ ſich eyferig angelegen ſeyn laſſen..
Zum Achten/ ſollen fürterhin die Außlagen von den Ehrenzuͤnfften Erſtens fuͤrgenommen vnd continuirt werden beſagte Ehren, Zunfft aber Ihre außgelegten Perſohnen den Quar— tier Hauptleuthen in ſchrifftlicher Verzeichnuß namhafft machen/ damit fie in Ihren Quartieren ſich darnach richten vnd mit vbrigen Außlagen deſto komblicher fortkommen mögen.
Fuͤr das Neunte/ ſolle kein Burger uoch Auffenthalter/ er ſeye außgelegt oder nicht/ bey entſtehender Fewrs⸗Bronſt/ ohne außtruckliche Ordre der Officirern, ſich von feinem Poſten weg begeben/ ſondern darauff bey Leibsſtraff biß Er abgeloßt wurdet/ ohnaußgeſetzt beharꝛen..
An dem Zehenden/ ſollen ſo bald Fewrs halben Sturm geleutet wuͤrdet/ jehweils zwey oder drey Pferdt ab dem Marckſtall für das Rhathauß in bereitſchafft geſtellt werden/ damit wann man dehren vonnoͤthen/ vnd an ein oder das andere Orth ſchicken wolte/ ſolche gleich bey der hand ſeyen.
Wann auch zum Eylfften/ die entſtandene Brunſt gedaͤmpfft/ vnd alle gefahr fuͤruͤber/ ſolln die jenige ſo ſelbige Nacht die Wacht gehabt/(es wehre dann die ſtund abzuziehen bereits verſtrichen/ widerumb auff Ihre Poſten ſich verfuͤgen/ vnd alda der gewohnlichen zeit abzuziehen erwarten.
Zwoͤlfftens/ ſollen die ſenige/ welche bey auffgangener Fewrs⸗Bronſt in den Werckhooff commandirt werden/ Vnſerer Gnaͤdigen Herzen vnd Oberen dahin geordnetem Hauptmann gewar ig ſein/ vnd dehme fü Er Ihnen je zun zeiten befihlt/ ſich keines wegs widerſetzen. Endtlichen vnd zum Dreyzehenden/ ſollen die verordnete Fewrſchawer/ Ihre gefliſſene Jaͤhrliche vmbgaͤng thun/ wa Sie etwas gefaͤhrlichs befinden/ die Beſitzere/ ſelbiges in gewiſſer zeit zu verbeſſeren oder gar abzuſchaffen verwahrnen/ vnd die ſo auff geſchehene wahrnung ſich ſaumſelig oder widerſetzlich erzeigen/ ohne anſehung der Perſpohn zu gebuͤhrender Straaff ziehen. Wie nun vorwohlgedachte Vnſere Gnaͤdige Herzen ſich gaͤntzlichen verſehen/ daß vorſtehender Ihrer Ordnung Maͤnniglich in trewen geleben werde/ alſo ſeind dieſelben hingegen/ die Vngehor ſammen mit ernſter Straaff anzuſehen/ endtlichen entſchloſſen. Warnach ſich ein Jeder zu
richten. Actum& Decretum ut ſupra. Lantzley der Statt Baſel fo,