Wir Schultheiß vnd Kath der Statt Solothurn/ entbieten allen vnseren getrewen lieben Burgeren/ Oberen und Nideren Amptleuthen/ Bnderthanen vnd Angehörigen/ auch allen Einwohnern diser vnser Statt vnd Landtschafft/ vnseren günstigen Gruß/ gnädigen Willen/ vnd anbey zuvernemmen. Alsdann wir mit besonderem Hertzleyd glaubwürdig verstendiget worden/ was massen in erwelchen vnserer getrewen lieben Eydrgnossen Lobl: Statt Bern zuständigen Landen/ benantlichen im vnderen Murgenthal vnderem Bach/ zu Streugelbach/ Brittnauw/ auff den Sennhoffen/ vmb Zoffingen und Arburg/ zum Brugg/ Küttigen/ Deutschären/ Entfelden/ zu Bögten in der Vogtey Schenckenberg/ und anderen Orthen im Aergöw/ wie auch in vnserer getrewen lieben Eydignossen Lobl: Statt Basel/ auß vnerforschlicher Verhengnuß deß allwüssenden Gottes, die leydige Pestisucht/ vnd erbliche vergiffte Kranckheit dergestalten zu= und oberhand genommen/ daß bereits eine mannuhaffte Anzahl Persohnen durch geschwinden Todt darnder gelegen/ und dahero zubesorgen stehet/ dises eylfernige Buheyl andere benachparte Orth/ auch mithin vnser Statt und Landtschafft/ wann mit zeitige Vorsetzung geschehe/ anstecken und befallen möchte. Solchem verderblichen Vbel dann nach menschlicher Magligkeit reystlich vorzukommen/ haben wir tragenden Obrigkeitlichen Ampts halber gebotten vnnd verordnet/ gebieten und verordnen auch hiemit vnd in krafft gegenwertigen offenen Scheins/ allen vnseren lieben und getreven Burgeren/ Vnderthanen/ Angehörigen/ und Einwohneren diser vnser Statt vnd gantzer Landtschafft/ allen ins gesampt/ vnd einem jeden insonderheit/ daß bevorderst die von vnseren Sünden vnd Lasteren wegen erzürnte Majestär GOttes/ durch hertzmütiges heyliges Gebett/ und andere Christiatholische Bußwerck/ nechst vberhebung aller Vngebühr// Ruchloß= und Vypigkeit/ sichenlichst versöhnet und angeruffen werde/ daß er durch seine grundlose Miltigkelt/ die gefaßte Straffruthen zeruck legen/ und nach vnserem wohlverdienen uns nie heimbsuchen wolle. Zu diserem ende verschen wir uns, die Geistlichen in der Statt und auff dem Land/ durch eyffriges Predigen und Zusprechen ihr bestes beytragen werden. So ist disemnach unser ernstmeinende Will und Befelch/ daß bey verwürckung aller Huldt und Gnaden/ auch Hab vnd Guts/ ja so gar Leib und Lehens/ auß unser Statt und Landtschafft gar niemand/ was Standts/ Namens/ oder Wesens er sey/ an obenerzehte allbereit beschreyte und andere dßmahlen oder künfftiges verdächtige End und Orth/ wenig noch vil/ Handlen noch Wandlen/ sonders dieselben allicklich meiden/ weichen und abretten; Auch die von vns in der Statt/ und von vnseren Amprleuthen auff dem Land/ an allen Pässen vnd Grentzen bestellte Wächter geflissene Auffsicht halten/ von denselben angesteckten Orthen niemand/ wer derselb auch seye; von anderen gesunden vnargwöhnlichen Orthen allein allein die jenigen, so mit beglaubten von Orch zu Orch/ mit dem Namen vnd Vbernamen der Persohn/ auch der Zeit/ Tags/ Monats und Jahrs/ ordentlich aufgetruckten frischen Pastzedlen anlangen werden/ vngehindert durchgehen und passieren lassen. Alle andere aber so keine dergleichen glaubwürdige und unverdächtige Schein mitbringen/ auch insonderheit die fremde Beuler/ Landstreicher/ vnd alles müssige vnnütze Gesind/ ernsthafft und ohn alles Mittel ab- vnd zuruck halten sollen. Damit nun diser vnser dem allgemeinen Wohlwesen/ zu guten/ angesehener Ordnung gehorsamblich nachgelebt/ und hierdurch daß vor Augen stehende/ auch gleichsamb an der Thür warchende grosse Jammer vnd Ndel/ vermittlest Göttlichen Beystands/ abgewandet und außgeschlossen bleibe/ sollen vnsere zu Statt vnd Land bestellte Ober und Nider Beamvie/ getrewes Auffsehen halten/ und bey ihren geschwornen Eyden und Ehren/ auch bey verliehrung ihres Ampts/ und erwartung höherer Straff/ die jenigen so hierwider fahlen und fräften solten/ ohne Vnderscheyd der Persohn aus der Obrigkeit angentz vermelden vnd anzeigen/ damit wir alsdann Hand anlegen/ und die obenenwente vnmachlägliche Straff an den Verbreckeren verüben mögen. Dann daß ist onser gentzliche Will. Beschehen in gesessenem Rath Freytags den 14. Octobris, Anno 1667. (L. S.)
120/1