. Von den(ändern Aſie. Herlij
zů boden was er traff/ vnd als das kriegs volck ſich et wan lang mit jren waffen hettbeſchutzt/ vñ jnen die hend von kelte waren erſtart vnd ſich weiter nit mochten beſchitmen/ vnd wo ſie ſich hin wendten/ die ongeſtuͤmigkeit je mer vnd mer überhãd nam/ward jr oꝛnung gantz vnnd gar ʒertrent/ liefen in dem wald/ darin ſie waren/ vmb-her wie die irrigen ſchaff/ vil fielen von ſchrecken nider auff die erde/ on angeſeben dasder regen gꝛoͤſſer kelte halb fick in eiß verwandlet. Ettlich zohen vnder die gꝛoſſennſtammen der baum/ aber vil wüßten nit wo hinauß/ das ongeſtuͤm wetter heit denhimmel fo dunckel gemacht/ darzů warend ſie in eim dunckeln wald/ das jnen nittanders was/ dann als were es vmb mitte nacht. Als Künig Ale vander diſen ſchwe-ren onfall ſahe/ vermant er ſein kriegs volck/ ſie ſolten lůgenn wo etwan rauch auff-gieng von den hütten/ vnd dem ſelbigen zů lauffen/ do mitt ſie jr leben moͤchten erꝛetten. Die anderen fiengen an vnd huͤwen boͤum vnnd machten ein ſolich gꝛos feü-wer/ das man von ferꝛem hatt gemeint/ der gantz wald bꝛünne/ vnd dar Bey er quickten ſie widerumb jren erfroꝛnen leib. Es kamen vmb vonn diſer ongeſtuͤmig keit beitauſent menſchen in künigs Alexanders laͤger. Man fandt ettliche Die hetten ſich andie baͤum gelaͤnt/ ſtãnden do gleich als lebten fie vnnd redten mit einander/ wart asber todt. Es was auch do im hauff n ein kriegs mann/ der hett ſich mitt ſeinẽ waf-fen auff gem acht/ wie er mocht/ vnd kam zum lager darin der kunig was. Vnnd alsin künig Alexander erſahe/ ſtůnd er auff von feinem ſtůl dar auff er ſaß vnnd ſich beidem feüwer woͤꝛmt/ lief dem krafftloſen krie gs mann entgegen/ nam jm ab ſein waf-fen vnd ſetzt in auff feinen ſtůl zum feüwer. Und als er aber ein weil hett gerůwet auffdem ſtül vnd nice wißt auß? loͤdigkeit wo er was vnnd wer in empfangen het/ kam ervon der woͤꝛme wider zů im ſelbſt/ vnnd ſahe das er auff dem künigliche ſtůl ſaß/ er-ſchꝛack vnd ſtůnd eilends auff. Do ſahe in künig Alexander an vnd ſpꝛach. Meinfreünd merckſtu jetzunt das du vnd andere meine kriegs leüt etwas ſaͤliglicher vndereim künig lebent dann die Perſier/ ſolt einer in Perſia auff des künigs ſtůl ſitzen dermuͤſt on alle gnad ſterben/ dir aber hat das ſitzen zum heil gedient. Bald nach diſemerlitten ſchadẽ kam er ʒů den voͤlckern Sag as. inc animũ uertit ad Indicũ bellũ.
Scychia über dem berg Jmao vnd Serica.
En Scythen fo über dem Imao wonenn/ werdenn zů gerechnet die
voͤlcker Seres/ derenn land Serica wirt genempt/ habenn vil berg/
flieſſende waͤſſer/ vnnd waͤld/ die bꝛingenn ſeidenn wull enn/ daruon
auch das land genempt wirt Serica/ das iſt Seyden land/ dann es
kommen faſt alle ſciden gewender auß diſem land/ wie wol man in
vnſeren laͤndern hie auſſen auch angefangen hatt ſeiden zů machen durch kleinewürmlin die mann mit maulberen laub erneret/ vnnd iſt Sicilia deren voll/ wiejch von denen vernommen die darinn geweſen ſeind. Ob aber im land Serica disſeiden von baumen auß krafft des himmeliſchen ynfluß wachs/ oder die würmlin fie auff den baͤumen ſpinnen/ gleich wie die ſpinn pflegt ir gewaͤb zů machennan der wand/ iſt nit offenbar. Under den alten natürlichen ſcribenten werdenettliche gefunden die meinen/ das alle ſeiden auch im land Serica ein geſpünſtſei der würmen/ aber Plinius iſt der meinung/ das ſie in Serica vonn den baͤu-men genommen werd/ als ein frucht der baͤum vnd nitt der würm. Das las ichnun hie růwen. Diſe voͤlcker wie mann von jnen ſchꝛeibt/ leben gar ſtill vnd ruͤwig.Haben kein gemeinſch afft mit frembden leuten/ ſo fie hantieren mit den außlendi-gen/ kom̃en fie ʒů cine flieſſenden waſſer vñ legẽ jre war an dz geſtad/ kauffen 3!.auffen