Dem

Durclilcucliligcn llocligekonicn Forsten vnml Herren

JO H AN FRIDERICO,

Hertzogen zu Würlemberg vnd Teck, Graven zu Mürapelgarl,Herren zu Heidenheim: Meinem gnädigen Fürsten vnd Herren.

Durchleuchtiger, Hochgeborner, Gnädiger Fürst vnnd Herr, E. F. G. seindmeine vnderthänige arme Dienst bevor. Es ist laider diss nicht der wenigsteschaden, der eins theils auss der langwirigen Vnruhe inn Oesterreich, anderntheils auss meinem nothverursachten Abraisen vnd langwirigem Aussenbleibenvon meinen zu Lintz hinderlassenen Supellectilibus vnnd Bibliothec, mir vndden meinigen zugewachsen: dass nemlich mein au(T das jetzlaufFcnde 1621. Jahrcalculirte Ephemeris (vnangesehen ich die typos numericos guter hoffnung mitmir auff dem Wasser biss nacher Ingolstat gebracht) biss dato vngedrucktverblieben.

Wann dann hin vnd wider in Teutsch- vnnd andern Landen nach jetz-gemelter Ephemeride , sonderlich wegen der künfftigen grossen Sonnenfinster-nuss, vnnd wie solche durch meinen calculum gegeben werde, nachgefragtwirdt: also hab ich dasjenige wenige, was ich in Zeit meiner Raisefarth,allermeist zu Stutgardten, neben meinen privat Geschafften, von dieser vnndandern Sonnenfinsternussen verzeichnet, oder auss meinen mitführenden Tabuliscalculirt, Summariter verfassen, vnd den Kunstliebenden zu dienst inn offenenTruck bringen wollen. Welches E. F. G. ich hiermit inn vnderthänigem Ge-horsamb dedicire vnd zuschreibe: sonderlich darumb, weil der Ort selber, alswelcher E. F. G. Fürstliche Hoflfstatt vnnd Residenz ist, mich abgehalten, mitder Dedication nicht anderwärtz ausszuspringen: anderer höherer Vrsachen,weil das Wercklin selber nicht wichtig noch gross, dissmahls zugeschweigen.

Hiermit thue E. F. G. ich mich zusampt der theuren werthen KunstAstronomia zu Landsfürstlichen gewöhnlichen Hulden vnd Gnaden gehorsam-lich einbevehlen. Datum Vlm den Aprilis, Anno 1621.

E. F. Gn.

Vnderthäniger vnd Gehorsamer

J oh an K e p p l e r,Mathematicus.