clxrrbj Das Ander Buch Vitrunij

lichen abtreibẽ mocht. Als aber gemerckt ward das ſie auff ſolcherWehr ander Pfeil oder Geſchoß nit hetten/ wañ die Schlenekerndamit ſie keinen/ er wer dann nit fernen von der Mawren erreichenmochte/ von wegen der ſchwer/ hat der Keyſer gebotten/ das manBüſchelholtz mit breñenden facklen ʒu ſolchẽ Huͤltzin Thurn brechte/ den ſelbigẽ anzůnd eten vnd verbrentẽ/ welches gar ſchnel vomKriegs volck zugericht ward/ als nun das Fewr auffgieng vñ dieFlammen biß an Himmel ſchlugẽ/ das man vermeint es wurd yetz-und den gantzen Laſt des Thurns miteinander einfellen/ verbrantdas weich Holtz ſchnel hinweg mit hefftigẽ flatern/ als aber daſſelbig verbreñet was/ vnd das Fewr nachließ/ ſahe man den HuͤltzenThurn gantz vnuerſert/ vnd von ſolchem Fewr vngeſchedigt/ dasſich der Keyſer hoch verwundert/ befalch alſo das ſie rings her-umb als wert jr Geſchoß nit reich mocht vmblegert wuͤrden. Alsſich aber die einwoner auß forcht ergaben vñ gefragt wurden/ woher ſie ſolches Holtz hetten/ zeigten ſie groſſe menig der Baum amfluſ Pado/ vö welchẽ diſes Schloß fuͤr Fewrs noth erbawẽ/ vndvon ſolchẽ Holtz Larignum genant worde. Diſes Holtz wird weitauff dem fluß Pado gen Rauenna gefuͤrt vñ da ſelbſt in ander geg-net vnd Landſchaffte/ Faneſtri/ Piſauri vnd Ancone weiter außgetheilet. Wo man auch diſes Holtz gehn Rom gnugſamlichẽ bring?moͤcht/ wer ſolches zu den Gebewen in mancherley ſachen faſt nutzlichẽ vnd ſeer gebreuchlichẽ/ dann wo man mit diſem Holtz die fuͤr-ſchieſſung der Dachung beſchirmbt/ wer ſolches ein trefflich er wi-derſtand allẽ Fewrgeſchoß/ es wuͤrden auch die flammen von eineHauß zum andern ſchlahend das ſelbig nit leichtlichen anzündenmoͤgen/ dañ diſes Holtz weder Flammen noch gluͤendige Rolẽ ge-ben mag/ od er empfahen für ſich allein. Es ſeind aber ſolcher Baũbletter dẽ Pynbaum enlichẽ vnd gleich/ vñ gibt zimlich lang Holtzdas ſich wol arbeitẽ vnd handlen laſſet in aller Hand Schreiner-werck/ nit anders als der Sapin/ gibt auch ein weich fluͤſſigHhartz/gelb wie Honig/ welches man in ſonderheit nůtzlichẽ braucht denlugenſüchtigẽ. Alſo habẽ wir die Eygenſchafft vñ natur der Baũ/auch wie ſolche võ erſten anfang mit der Elementiſehẽ krafft ver-miſchet aller fürnembſten materi/ vñ Bawholtzes in kurtzen dochgnugſamlichen erzelet. Volgt aber am nechſtẽ auß vnſerer fürgenomener ordnung/ das wir weiter anzeigen den vnterſchied des vn-dern vnd obern Dennen Holtz ſonderlicher art/ warumb zu Romdas ober theil Supernas genant/ nit alſo gut als das vndertheil/ ſoman zu ſchoͤnem Gebew in groſſer langwirigkeyt nuͤtzlichen brau-chen mag/ auch wie der vnterſchied nach 3 erley gelegenheyt

Bawholtz zuerwelen.

der Land ſchafft zu mercken/ damit das bequemſte vnd nůtzlichſte

Auß-