164

men vnd hierzü von der oberkeit geornet. Vnd kämm alles volckwol, vnd by güter zyt, in daS kloster Cappell, vnd daumm. Da derappt h. Wolffgang Ioner zügenampt Rüpli, vnd h. Prior h. petterSimler, die beide ietzund predicanten vnd verwallter des klosters wah-rend, zymliche fürsahung mitt spyß vnd tranck verordnet hattend.

Man ließ aber imm truck vßgan die fürnemmen vrsachen diseskriegs, wie hernach volgt, vnd yngehefft ist.

Allen Christglöubigen menschen vnd insunders denen so in vnserEydgnoschafft von Orten vnd zügewandten wonend, wünschend wirBurgermeyster, Radt, Bürger vnd volck von Zürich, Gnad vnd fridvon Gott, mit nachuolgendem fürtrag. Als mencklichem bewußt wiedie von Vnderwalden mit frafner vermessenheyt, mit jr Paner, vndwas spieß vnd stanz tragen möcht, vfgemacht, vnnd wider alle Pündt,Eer, Eyd, nachpurschafft, wider alle Rechtbott, früntliche vermanungvnd anstall, vnseren getrüwen lieben Eydgnoffen vnd Christlichen Mitt-burgeren zü Bernn, in jr land gefallen, rc. Vnd wie sich die fach züfriden geschickt, genannte von Bernn sich gegen jnen gantz gnädigklichgeneygt: ouch wir in hindrung des fridens nützid andersfürgenommen,weder verdingen, das sy künfftiger zyt wider die warheit des Euangelijweder pratticiertind noch handletind, vnd sust weder an jr eer, die sydoch übel bewart: noch an lyb noch güt zebeschwaren, fürgenommen.Harwidrumm aber sy mit ftoltzem gmüt vnd gböch, nit allein alle frünt-liche Meinung veracht: sunder ouch in Hangendem friden, mit den Fer-dinandischen, sampt den andren vier Orten, Lucern, Vry, Schwytz,vnd Zug, einen Pundt gemacht vnseren glouben ze durachten, vnd mitnamen vßgedingt, was sy mit gedachtem Ferdinands hie diset Rynesin vnseren landen mit einander gwünnind, sölle der fünff Orten sin,Darinn lychtlich erwegen wirbt, das sy vns willens von dem vnserenmit eim frömden züg zetringen, welchs doch wider alle natürlichenRecht ist: nit allein wider die Pündt, das sy vnseren erbfyenden, wi-der welche wir so offt von ansang vnser Eydgnoschafft, mit gantzentrüwen by einander gestanden sind, zügfallen, vns zü höchstem nach-teyl vnd gruntlichem verderben. So doch wir das Burgrecht mit denfrommen von Costentz, mencklichem vnschadlich, aber einer Eydgnoschafftzü höchstem güten vnd friden gemacht. Vnnd in dem Christlichen Burg-recht gar nit fürgenommen yemants ze durachten noch vehen vmm desgloubens willen. Sy aber schon vnser land geteylt habend, vnd dieBarenhut verkoufft ee sy den Baren gestochen. Es ist ouch demnachmencklichem bewüßt, wie die fünff Ort vns yetz vil jaren har geschwächt,gelestert, geschediget, vndertruckt, vnd mancherley wegen veracht vnndangriffen, welches wir in rrv. Articklen offenlich habend lassen vßgon,