'( ci )

Je quit Judas fu lor paraus,

Mais crestiens fu mors par ausQui mil cest jor fussent en vieSe ne fust la grans félonieEt li avoirs de paienieQui pris fu par mavais consaus.

Or en est la terre lionieU cil revint de mort à viePar cui cil siècles sera saus.

Si m’ait Dex, jo ai tant d’ireDes clers, que je n’en sai tant direQue pis vaillent de maint c’ui ;

Mais se cil qui de tôt est sireLor mostroit en aucun point s’ire,Liés en seroie, car à cuiNe me sai plaindre fors à lui.

Nus lais hom n’a vers iaus refuiN’en roiame ne en empire.Covoiteus sont et plain d’anui :

Se je en iaus matir n’apuiJe crieng que mes gius n’en empire.

Segnor provoire , qui cler voitMult est fox s’il ne s’aperçoitEn quel manière vos vivez.

Li userier vont à vos droit :

Si demandent pain bénéoitEt vos erraument lor donés.

Je di que vos entreprendés ,

Qu’il ne s’est mie confessésEn la manière que il doit,

Mais légièrement lor soffrésPor les dons que de lui prendés :Ensi diables vos déçoit.

Segnor prestre, tôt parçonierEstes de l’avoir l’userier ;

Si vos dirai coin faitement.

Puis qu’il ne volent le mestierQue Dex desfent por vos laissier,

Par coi prendés vos lor argent.