12

MÉMOIRES D’OLIVIER DE LA MARCHE.

La seconde partie de mes mémoires 1 sera fondée àvous déclarer et faire apparoir par quelle raison et parquel droit vous sont venues les successions dessusescriptes en patrimoine de heritaige, ces belles,grandes et haultes seignouries délaissées par de trèshaulte et laborieuse renommée feu le duc Charles,vostre grant pere, que Dieu absoile 2 . Et de lui je parleexpressément pour ce que de tout morut vray posses-seur, et les laissa en succession possessant à feue detrès vertueuse souvenance madame Marie de Bour-goingne, que Dieu absoile, vostre mere et sa seuleheritiere. Et de son temps 3 , par guerres, griefz, traic-tiez contraires et aultres violences à elle faictes etsurvenues, pluseurs des seignouries susdictes ont estéet sont tirées et distraictes de vostre main et pouvoir,comme plus à plain pourrez à la croissance de vozjours voir, et mesmement par la poursuite de ces pré-sentes mémoires, se Dieu m’en donne temps et grâce 4 .

1. « D’avantage, si je vous déclaire par quelle raison et par queldroit vous sont venues les successions de ces belles et grandessigneuries dessus escriptes, estant délaissées en patrimoine d’hé-ritage par de très-haute, » etc.

2. « Que Dieu absolve, et duquel je parle expressément, pource que de tout mourut vray possesseur, à ferre de très ver-tueuse, » etc.

3. « Que, considérant qu’au temps d’elle, » etc.

4. « Et mesmement par la poursuite de mes mémoires, si Dieume donne temps et grâce de les accomplir, vous serviez et priezDieu si dévotement, qu’il vous donne la grâce de recouvrer,conquerre et venger les torts à vous faicts, à l’honneur, profitet gloire de vostre très noble maison, ainsi qu’en augmentantle nombre de mes ans, et en diminuant de corps et de vie, lecueur me croist et ravigoure en bon espoir que la remettrezsus nonobstant qu’elle ayt esté tant grevée par voz ennemis,