CATULLI LIBER.

45

DE ATY. LIX.

uper alta vectus Atys celeri rate maria,Phrygium nemus citato cupide pede tetigit,Adiitque opaca silvis redimita loca Deae:Stimulatus ubi furenti rabie , vagus animi,

5 Devolvit illa acuto sibi pondera silice.

Itaque,ut relicta sensit sibi membra sine viro,

Et jam recente terrae sola sanguine maculans,

Niveis citata cepit manibus leve typanum ,

Typanum,tubam, Cybelle, tua, mater, initia.

10 Quatienfque terga tauri teneris cava digitis ,

Canere haec suis adorta est tremebunda comitibus :Agite, ite ad alta, Gallae, Cybeles, nemora simul,

Simul ite, Dindymenae dominae vaga pecora,

Aliena quae petentes, velut exules, loca15 Sectam meam executae , duce me , mihi comitesRapidum salum tulistis , truculentaque pelagi,

Et corpus evirastis Veneris nimio odio.

Hilarate aere excitatis erroribus animum.

Mora tarda mente cedat: simul ite : sequimini20 Phrygiam ad domum Cybelles, Phrygia ad nemora Deae,Ubi cymbalum sonat vox, ubi tympana reboant,Tibicen ubi canit Phryx curvo grave calamo,

Ubi capita Maenades vi jaciunt hederigerae ,

Ubi sacra sancta acutis ululatibus agitant,

25 Ubi suevit illa Divae volitare vaga cohors;

Quo nos decet citatis celerare tripudiis.

Simul haec comitibus Atys cecinit nova mulier,

Thiasus repente linguis trepidantibus ululat,