6o

CATULLI LIBER:

Saepe fatebuntur gnatorum in funere matres,'

350 Cum cinere incanos solvent a vertice crineis,Putridaque infirmis variabunt pectora palmis.

Currite ducentes subtemina - currite fusi.

Namque velut densas prosternens cultor aristas,Sole sub ardenti flaventia demetit arva ;

355 Trojugenum infesto prosternet corpora ferro.

Currite ducentes subtemina, currite fusi.

Testis erit magnis virtutibus unda Scamandri,Quae paflim rapido diffunditur Hellesponto :

Quojus iter caesis angustans corporum acervis ,

360 Alta tepefaciet permista flumina caede.

Currite ducentes subtemina, currite fusi.

Denique testis erit morti quoque dedita praeda,Cum teres excelso coacervatum aggere bustumExcipiet niveos perculsae virginis artus.

365 Currite ducentes subtemina, currite fusi.

Nam, simul ac fessis dederit fors copiam Achivis,Urbis Dardaniae Neptunia solvere vincla,

Alta Polyxenia madefient caede fepulchra :

Quae , velut ancipiti succumbens victima ferro ,

370 Projiciet truncum submisso poplite corpus.

Currite ducentes subtemina , currite fusi.

Quare agite, optatos animi conjungite amores,Accipiat conjunx felici foedere Divam ;

Dedatur cupido jamdudum nupta marito.

375 Currite ducentes subtemina, currite fusi.

Non illam nutrix orienti luce revisens,

Hesterno collum poterit circundare filo.

Currite ducentes subtemina, currite fuso.