99

LIB. I. ELEG. IIT.

Tisiphoneque impexa feros pro crinibus angues70 Saevit, & huc illuc impia turba fugit.

Tum niger in porta ferpentum Cerberus oreStridit, & seratas excubat ante fores:

Illic Junonem tentare Ixionia ausiVersantur celeri noxia membra rota.

57 Porrectusque novem Tityus per jugera terrae,Adsiduas atro viscere pascit aves.

Tantalus est illic, & circum stagna, sed acremJam jam poturi deserit unda sitim.

Et Danai proles, Veneris quae numina laesit,

80 In cava Lethaeas dolia portat aquas.

Illic sit, quicumque meos violavit amores,Optavit lentas & mihi militias.

At tu casta, precor, maneas, fanctique pudorisAdsideat custos sedula semper anus.

85 Haec tibi fabellas referat, positaque lucernaDeducat plena stamina longa colo.

Ac circa gravibus pensis adfixa puellaPaulatim somno festa remittat opus.

Tunc veniam subito, ne quisquam nuntiet ante :90 Sed videar coelo missus adesse tibi.

Tunc mihi, qualis eris , longos turbata capillos ,Obvia nudato, Delia, curre pede.

Hoc precor, hunc illum nobis Aurora nitentemLuciferum roseis candida portet equis.

l-

N ij