102 'ALBII TIBULLI

Quem referent Musae, vivet; dum robora tellus,

60 Dum coelum stellas, dum vehet amnis aquas.

At qui non audit Musas, qui vendit amorem,

Idaeae currus ille sequatur Opis;

Et tercentenas erroribus expleat urbes ;

Et secet ad Phrygios vilia membra modos.

6$ Blanditiis vult esse locum Venus ipsa: querelisSupplicibus, miseris fletibus illa favet.

Haec mihi, quae canerem Titio, Deus edidit ore;

Sed Titium conjunx haec meminisse vetat.

O fuge te tenerae puerorum credere turbae: !

70 Nam caussam justi semper amoris habent.

Hic placet, angustis quod equum compescit habenisHic placidam niveo pectore pellit aquam.

Hic, quia fortis adest audacia, cepit: at illiVirgineus teneras stat pudor ante genas.

71 Pareat ille suae : vos me celebrate magistrum ,

Quos male habet multa callidus arte puer.Gloria cuique sua est : me, qui spernentur amantes,Consultent: cunctis janua nostra patet.

Tempus erit, cum me Veneris praecepta ferentem80 Deducat juvenum sedula turba senem.

Heu , heu, quam lento Marathus me torquet amore !

Deficiunt artes, deficiuntque doli.

Parce puer, quaeso, ne turpis fabula fiam ,

Cum mea ridebunt vana magisteria.

/