LIBER III. ELEGIA VIII. 257

'Alcyonum positis requiescant ora querelis;r iO Increpet absumtum nec sua mater Ityn.

Tuque, o cara mihi, felicibus edita pennis,

Surge , & poscentes justa precare Deos.

Ac primum pura somnum tibi discute lympha,

Et nitidas presso pollice finge comas.iy Dein qua pridem oculos cepisti veste Properti’,

Indue; nec vacuum flore relinque caput:

Et pete, qua polles, ut sit tibi forma perennis,

Inque meum semper stent tua regna caput.

Inde coronatas ubi thure piaveris aras,

20 Luxerit & tota flamma secunda domo ;

Sit mensae ratio, noxque inter pocula currat,

Et crocino nares murrheus ungat onyx.

Tibia nocturnis succumbat rauca choreis;

Et sint nequitiae libera verba tuae.

25 Dulciaque ingratos adimant convivia somnos ;

Publica vicinae perstrepat * aura viae.

Sit fors & nobis talorum interprete jactu ,

Quem gravibus pennis verberet ille puer.

Cum fuerit multis exacta trientibus hora,ßo Noctis & instituet sacra ministra Venus ;

Annua solvamus thalamo solennia nostro,

Natalisque tui sic peragamus iter.

* Alii, cra 3 ara