LIBER IV. ELEGIA IV. spt

Quantum ego sum Ausoniis crimen factura puellis,Improba virgineo lecta ministra foco !

Pallados exstinctos si quis mirabitur ignes /

Ignoscat: lacrimis spargitur ara meis.

45 Cras, ut rumor ait, tota pugnabitur urbe :

Tu * cape spinosi roscida terga jugi.

Lubrica tota via est, & perfida; quippe tacentesFallaci celat limite semper aquas.

O utinam magicae nossem cantamina Musae !

50 Haec quoque formoso lingua tulisset opem.

Te toga picta decet, non quem sine matris honoreNutrit inhumanae dura papilla lupae.

Sic hospes, * pariamne tua regina sub aula ,

Dos tibi non humilis prodita Roma venit.

55 Sin minus ; at raptae ne sint impune Sabinae,

Me rape, & alterna lege repende vices.

Commissas acies ego possum solvere: nuptae,

Vos medium palla foedus inite mea.

Adde, Hymenaee, modos; tubicen fera murmura conde:

60 Credite, vestra meus molliet arma torus.

Et jam quarta canit venturam buccina lucem,

Ipsaque in Oceanum sidera lapsa cadunt.

Experiar somnum : de te mihi somnia quaeram:

Fac venias oculis umbra benigna meis.

65 Dixit, & incerto permisit brachia somno ,

Nescia * se furiis accubuisse novis.

Nam Vesta, Iliacae felix tutela favillae ,

Culpam alit, & plures condit in ossa faces.

Illa ruit, qualis celerem prope Thermodoonta

Oo ij

* Passerarius& Nie. Hcin-fius, cave Jpi-nofi rorida.

* Locus miritortus. Alii ,sariam , ducete ; Dic hospes ,satiare: fi fimhospes, patiare.

* JoC. Scati-ger, ne.