LIBRO SEGUNDO DELL ASTROLABIO LLANO.

CAPITOLO I.

Del colgadero et de la madre.

Segund conuiene á connoscer los nombres de las partes dell astrolábiopora saber obrar con él. comiencaremos de la armella redonda en que ponen lacuerda, porque es sobre las otras partes dél. Et llámenla los aráuigos alhelca.que quier dezir armella. Et algunos dellos la nombran alhilaca. que quiertanto dezir cuerno colgadero, porque cuelgan della ell astrolábio quando to-man la altura. Et dizen á la armella pequenna en que está metida esta otra.alharua. que quier dezir lazo. Et dizen á la cabeca que sobra sobre la re-dondez dell astrolábio alcurci. que quier dezir siella. Et llaman á estas dosarmellas en uno con la siella sobredicha et con la cuerda, colgadero.

Et dizen á la armella que es sobre la tabla mayor dell astrolábio. alho-grci. et es nombre proprio. et es partida por .CCC. et .LX. partes eguales. eta y escripto sobre cada .V. dellas el so cuento.

Et nombran á estos .CCC. et .LX. grados el cérculo drecho. Et la madrees la tabla mayor en que está ficada esta armella sobredicha. Et están sobrellalas otras tablas et la red. Et nombran otrossí á la armella que dicha es conla tabla en que está fincada, á amas en uno. madre.

CAPITOLO II.

De la red. et de las cosas que están en ella.

A la tabla entallada que es sobre las tablas sanas, que están en ella lossignos et las estrellas fixas. llaman aocabeca, que quier dezir la red. Et dízenleotrossí alhancabut. que quier dezir aranna. porque semeía á la tela de lasarannas.

Et nombran á la armella que es egual et complida en la red. en que estánescriptos los .XII. signos del zodiaco, [feletal bolos, que quier dezir orbe delos signos— Nota marginal en el códice, de otra letra antigua.)