41

49. Was ds Neu-Jahr zue dr seit. (66)

Wi o die Zyt so gleitig geit!

Chuum, daß dr zletzscht gneujahret heil,

Isch scho es gschlages Jahr vorby,

Chunnt scho es neus zur Huustür y.

Bschließ d'Tür — es fahrt dürs Schlüsselloch,Versteck di — lue, es sindt di doch;

U we de chlagsch: Warum o scho?

So seit's dr halt: „My Zyt isch cho!"

Wi o die Zyt so gleitig geit!ll na dr Zyt chunnt d'Ewigkeit —

Was hesch für d'Ewigkeit scho ta?

So fragt's di ärnst und luegt di a:

's het Angst, 's syg numme wenig no,

U bald scho chönnt dys Stündli cho;

Drum rüeft's dr zue: „O Mönschechind,

O tue, o tue no Oppis gschwind!"

Wi o die Zyt so gleitig geit!

„Säg nit, es syg kei Elägeheit.

I bringe dr, wie jedes Jahr,

O Arbeit gnueg, 's isch Wäger wahr.

Zuem Byspiel: i dym eigne Huus,

My Liebe du, wi gseht's da uus?

Luegt alles guet u suber dry?

Chönnt ächter ds Putze nötig sy?"

Wi o die Zyt so gleitig geil!

„Ob i dr Emeind alls ghörig steit!

Jsch's öppe niene fuul statt gsund?

U nienen eggig anstatt rund?

Het ächt dy Nachbar ds täglich Brot?

Weisch niene meh es Weh, e Not?

Und erst im liebe Vaterland?

Bruuchts niene meh dys Härz, dy Hand?"