102

Epistola dedicatoria

ris distincto, orbibus caeruleis, limbis vero, in quibus planetas decurrere significa-batur, albis, perlucidis omnibus, sic ut Sol in centro pendulus videri posset. Sa-turni orbis sex circulis repraesentabatur, qui mutuo concursu, terni quidem, angulocubi locum signabant, bini vero centro plani cubici superstabant; Jovis orbiumextimus tribus, intimus sex circulis, Martis extimus iterum sex; intimus vero, nonminus quam Telluris uterque, Yenerisque extimus, singuli denis circulis adumbra-bantur , quorum quini duodecies, terni vicies, bini tricies concurrebant.» Venerisorbis intimus aequalis erat Jovis extimo, Mercurii orbis Jovis intimo: spectaculumnon inamoenum, cujus rudimentum quidem, at non plane genuinum, videre est infigura huic volumini praefixa.

g) Locum invenit adhortatio mea, commodo meo non exiguo; quam comme-morationem honori procerum ex gratitudinis lege tribuo. Illustris D. Capitaneusde proprio statim; ceteri, ut erant loco corporis Provincialium, exspectato eorumconventu anni 1600, magnificam mihi tunc in Bohemia absenti renuntiationem,quanquam exhausto continuis bellis limitaneis aerario impetrarunt. Ita coelorumconditor mihi operum suorum praeconi tunc de viatico prospexit, familiam in Bo-hemiam translaturo.

DEDICATIO EDITIONIS POSTERIORIS.

REVERENDISSIMO PRINCIPI,

ADMODUM REVERENDIS

PRAESULIBUS; ILLUSTRIBUS, GENEROSIS, L.L. BARONIBUS;NOBILIBUS, STRENUIS, EQUESTRIS ORDINIS,

D. D. Provincialibus universis splendidissimi Ducatus Styriae; Dominis meis

gratiosissimis.

Reverendissime Princeps; Admodum Reverendi , Illustres, Generosi;

Nobiles , Strenui; Domini gratiosissimi.

Annus hic est vicesimus quintus, ex quo libellum ego praesentem, My-sterium C osm ographicum indigetatum, Magistratibus illius temporis, devestrae communitatis honoratissimo corpore lectis, inscriptum inter hominesvulgavi. Etsi vero tunc oppido juvenis eram, primumque hoc astronomicaeprofessionis tyrocinium edebam, successus tamen ipsi consecutorum tempo-rum elata voce testantur, nullum admirabilius, nullum felicius, nullum scilicetin materia digniori positum esse unquam a quoquam tyrocinium. Non enimhaberi debet illud nudum ingenii mei commentum (absit hujus rei jactantiaa meis, admiratio a lectoris sensibus, dum sapientiae creatricis tangimusPsalterium heptachordum) quandoquidem non secus ac si dictatum mihifuisset ad calamum oraculum coelitus delapsum, ita omnia vulgati libellicapita praecipua et verissima statim (quod solent opera Dei manifesta)fuerunt agnita ab intelligentibus: et per hos 25 annos mihi telam pertexenti