864

Vita Joannis Kepleri.

aliam. Ex quo enim non hujus tantum seculi theologos audivi et legi, sed totconcionibus et scriptis refutatoriis in sollicitudinem conjectus et ad antiquitatemetiam audiendam librosque eorum legendos adactus sum: jam porro competentiaapud me oritur inter ecclesiam et ecclesiam. Fateor aliquid debere curiositatemmeam auctoritati ecclesiae, at illa auctoritas non moritur, ubi divina dispositioneexstat illa consignata in scriptis patrum. Debeo aliquid meis praeceptoribus quosaudivi, debeo plus Veteribus, qui erant positi extra aleam nostrarum conten-tionum, Hoc meum debitum sic dispertior inter illos, ut facile cedam accu-satione modernorum, si ipsi protestentur, se non sentire contra patres in funda-mento, at vicissim retineam locutiones veterum in hoc uno articulo de per-sona Christi et carnis omnipracsentia, non curans, quales sint in ceteris dog-matibus, qui iisdem hodie utuntur: cum sciam, patres illos habuisse suaaetate manifestos Nestorianos et Eutychianos, neque tamen in despectum quasihaereticorum aut ad cavendos illos abstinendum sibi censuisse locutionibusillis suis. Itaque per hanc unicam concessionem D. D. Praeceptores meifacile efficient, ut exhibeatur ipsis a me omnis reverentia et obsequium ecclesiaedebitum, si me patiantur phrasibus patrum et ecclesiae veteris in hoc unoarticulo uti, nec propter hoc me excludant communione. Nam uti sola haecmea exclusio inquietudinis mihi omnis causa est, tranquillissimo alias futuro,ita exclusionis hujus nullam me causam praebere scio aliam praeter hanc ex-ceptionem. Si alia mihi generalibus verbis intentata fuere crimina*), illaneque probata sunt factis dictisve meis, nec qualia sint citra talem probatio-nem ego agnoscere aut cavere possum, et si quid ego vel minimum potui sub-odorari dictum factumve, quod citra meam intentionem offensionem pararepotuit quodque salva hac unica mea exceptione potuit omitti, id hactenussedulo intermisi speroque, si vel ad hanc horam usque non plane id fecissem,si tamen ex hoc tempore id me facturum promittam, poenitentiae locum irirelictum. Quodsi etiam publica deprecatione opus est, eam non recusabo,dummodo crimen aliquod manifestis meis dictis factisve probetur, et auditores,coram quibus deprecandum sit, de omnibus criminis circumstantiis sufficientera me possint informari, ne quid meo nomine proponatur ecclesiae, quod egonon agnosco, quae hypocritica deprecatio esset.

Et quia jam anni sunt septem integri, per quos durat haec suspensio,cum semper praetendant hujus loci ministri, se paratos esse me admittere, sia consistorio vel facultate theologica Wirtembergica hoc impetrem, nec un-quam mihi categoricum responsum a quoquam theologorum fuerit datum, exquo scirem, an finaliter exclusus sim necne (nam responsio consistorii Stuc-cardiani primo anno data ( 1612 ), profecta est ex mala informatione, et si quidin ea mihi crimini datum est vere, id spero hactenus emendatum esse), ita-que mihi jam iterato responso vel tandem opus erit, neque mihi erit commit-tendum, ut sim perpetuo vivum scandalum, sed occurrendum erit et huic etfamae plurium haeresium mediis iis, quae sunt meis conditionibus consentanea.

Ut autem omnis difficultas omnisque perplexitas tollatur, facile potestdividi quaestio. Scio vitam meam non posse examinari in Wirtembergia**),ubi nec accusator nec reus praesens est. Nec de hac quaestio est, sed dehoc solum, ut meae praesentis confessionis (ut sonant verba recto-rum hujus ecclesiae) approbationem (an scilicet stante ea admitti possim)

*) Hafenrefferus: De nnllis mihi criminibus constat.

**) Hafenrefferi marginale: Vitam accusare non possum.