986

Vita Joannis Kepleri.

omnibus Remi dubitationibus et percontationibus totum se dederet, hic Kep-lcri officiosae voluntati maximas gratias agit, summo ejusdem ingenio maximaslaudes tribuit: „Indica, per quas vias tibi inservire queam, me habebis sempcrpromtum et paratum. Dignus sane es, ut pro Coryphaeo et patre nostro jamab omnibus mathematicis habearis.“

In eo denique epistolarum commercio, quod inter Keplerum et Vin-centium Blancum (Bianchi) intererat, qui nomine Comitis Alerani sibi im-posito non minus generis antiquitate quam suis meritis et honoribus super-biret, inprimis quidem de rebus scriptum est astrologicis, a Blanco in mediumpropositis. Sed Keplerus Blanco ex altiore quodam loco et elatiore rerumcontemplatione respondet euudemque somniorum astrologicorum nimis studio-sum ad modum et veritatem reducere studet. Idem cum Blancus saepius etimmodestius generis nobilitatem afferret, Keplerus jocose ei rescribit, se quo-que majores habere nobiles (cfr. vol. VII. p. 472) et haec subjungit: „Ipsa phi-losophia, quae hactenus rusticano habitu mecum conversabatur, postquam in-tellexerit, ad quantae nobilitatis virum mihi posthac futura sit internuncia,honestiorem hodie togam induit.“ Prius cum Blancus de Kepleri conditioneeffusius scripsisset, responderat Keplerus, erravisse eum si singulares honoreset dignitates sibi attribueret, literas unice se tractare, „humanitatem in ce-teris colo, in me quod hic jactem non invenio. Voluntas mihi promta estgratificandi omnibus, nec ut flectar vel hymnis opus est vel supplicationi-bus“. De illius quaestionibus astrologicis haec: „Video inquit Exc. Tuamarticulos exigere temporum a directione. Animum quidem implere possuntastra, eventus ipsos sola praestare non possunt, sed excitant hominem inquevigilia seu excubiis constituunt, ut occasiones praetereuntes arripiat. Non in-ficior, praeclaram esse constellationem (in themate Blanci), solent tamen ejus-modi constellationes interdum hoc efficere, ut homo nimium appetendo seipsum voluntate privet earum rerum, quas habere potest.“ Similiter nimiasBlanci de aspectuum gravitate etc., opiniones ad justum modum reducere studet,semper eum delegans ad cogitationes in operibus suis expositas; simul autem datahac occasione opportuna ad majorem operum suorum in Italia promulgationemBlanci auxilium rogat, neque singulares suas celat de Copernicana hypothesisententias, quas divulgandis per Italiam librorum suorum nonnullis maximeobfuturas esse optime vidit. In ultima quae servata epistola est (data 13. Jan.1620). Keplerus nimis humane gratias agit ob missum libellum, a Blanco scrip-tum de verbis obscuris Petri cultri manubrio inscriptis. Quem levissimumlibellum Keplerus „stupendae doctrinae documentum“ dicit. —

Ex amplissimo Kepleri epistolarum commercio nos ea attulimus, quibusviri ingenium, natura et mores optime illustrari existimavimus. Permultaequidem exstant aliae Kepleri epistolae, quae non minus ampliori morum ex-plicationi servire possint. Sed exempli gratia quae adhuc data sunt suffi-ciant, quique et Kepleri ipsa opera voluminibus antecedentibus collecta etpraefationes iis additas diligentius perlustrabunt, ipsi multa invenient, quaehanc adumbrationem supplere possint.

Restat denique brevibus exponere, quale fuerit Kepleri cum aequalibuscommercium. Qua de re ex epistolis paucissima manant, cum illae, quasscriptas esse certissimum est, et a Keplero et ab amicis conservatione dignaenon sint habitae. Ex una autem epistola quae servata et vol. I. p. 296 ad-dita est, nihil gravius colligi potest. Data illa est ad Keplerum ab aequali,M. Christophoro Ortholfo, qui tum (1595) Hirsaviae praeceptor erat, eo-