14

MÉMOIRES D’OLIVIER DE LA MARCHE.

mémoire, affin que vous doubtiez 1 et creniez les persé-cutions du ciel, et que oultrecuidance d’amis, d’avoirou de seignourie ne vous facent ung tempteur 2 deDieu, ung deslieur de fortune et ung cuideur de valoir,pour mener à fin les choses impossibles, sans avoirregart 3 à la perdicion de noblesse et [à la] destruc-tion du peuple, et estre oublieux 4 de requérir Dieuen souverain ayde, sans lequel nulle emprinse ne peutvenir à bonne fin.

Helas, mon prince, mon seigneur et mon maistre,je plains et regrette, pour mener ces trois poinsjusques à vostre cognoissance, que je suis lay, nonclerc, de petit entendement et de rude langage, etregrette que je ne puis avoir le stile et subtil parlerde messire George Chastellain, trespassé, chevalier dema cognoissance, natif flameng, toutesfois mettant parescript en langaige franchois, [et] quitant a fait de belleset fructueuses choses de mon temps, que ses euvres,ses fais et la subtilité de son parler luy donront plusde gloire et de recommendations à cent ans à venirque jourduy, ou que n’ay je 5 , par don de grâce, la clergie,la mémoire ou l’entendement de ce vertueux et recom-mendé escuyer, Vas de Lusane, portugalois, eschansonà présent de madame Marguerite d’Angleterre, ducessedouairière de Bourgoingne 6 , lequel a fait tant d’euvres,

1. * A ce que vous redoubtiez, » etc.

2. « Contemptour. »

3. « Égard. »

4. « Et sans estre soigneux. »

5. « Ou que je n’ay, » etc.

6. Sœur d’Édouard IV et troisième femme de Charles le Témé-

raire.