298 MÉMOIRES D’OLIVIER DE LA MARCHE.

« accomplir les armes à pied selon le contenu des« chappitres, et les devises ordonnées pour l’escu vio-« let, à l’encontre du noble chevalier le seigneur de« Charny, chief et garde de cestuy noble pas, vous« suppliant que luy et moy vuillez avoir pour recom-« mandés. » Sur quoy le duc le receut, et bienviengnamoult humainement ; et se retrait le dessusdit en sonpavillon pour soy armer ; et povoit avoir le chevaliertrente et deux ans d’eage.

Tantost après se partit le seigneur de Charny, garde,chief et deffendeur de cestuy noble pas. II estoit armé,comme à faire armes en tel cas appertient, la cotted’armes vestue et le bacinet en la teste ; et avoit levésa visiere le plus avant qu’il le peust faire, et estoitcelle visiere couverte d’ung volet bien délié, dont dece fut parlé diversement. Les ungs disoient qu’il lefaisoit afin que l’on ne veist comment ne de quelle' façon estoit sa visiere trouée, et les autres disoientqu’il le faisoit pour monstrer la couleur plus vive,car de sa nature il avoit la face fort blanche et pâlie.Il estoit monté sur ung cheval couvert de ses armes,et estoit suyvy de six coursiers harnachez de satincramoisy, couverts d’orfavrerie d’or moult richement;et furent les paiges vestuz des couleurs de luy, noiret violet; et devant luy estoient à cheval ses douzecompaignons, la garde au genoul, et richement vestuzet en point. Monseigneur Loys de Bourgoingne, contedeNevers, le accompaignoit, et les chevaliers, ses freresde la Toison [d’or], et tant de nobles hommes, que longuechose seroit de le racompter. Il avoit une bannerolleen sa main dextre, plainne d’ymaiges et de devocions,et dont il seignoit moult souvent, et en tel estât entra