VERS PATOIS.

Ena fiôta par djor ne me fareï pas peur,

Quand c’est por travaillie ? i seu lôla de cœur ;

I dévoudie tchie vo dé dou trei senannéPieu de fi qu’é ne faut por on par de metan-néI ne dieise pas cet por vo le reprodgie,

I n’ei pas to pieîsi que de vo z’oblidgie ;

E si poveï troqua quôqué beï de campagneContre steu bei tchatei qui bâtesse en Espagne ,

I ne l’iodra djamâ sei vo li z’inyitâ,

Et vo vérî on poû qmet i set treitâ.

Tu lé djor avoé met vo sérî régàlaie,

No l'arï du café à la seila brelaie ;

No z’érî beï sovet à refouse mouteiDu tortet ez’ognons et de stu u petei ;

No larî tu lé djors du papet à la couessa ;

A la sason dei pei no couérî de la douessa,

Et pi por vo treitâ bei délicatamet,

I vo farî du pan la meïtîe de fromet ;

Et quan et no prédreï éviéta de bâillîe ,

No djuérï u reprei , u beï u marellie ;

I caie let téro à causa det péturet.

On l’y veï par dessus de trop pouetet figurct ;Vo l’y veitet le pape et Grimaud-l’embâleur ;

To cet ne peut de moins que de porta malheur ;

I treuve let zechets à pou prei asse sots ;

En’ étoutche de djeu qu’on n’y dit pa do mots ;Djamâ, u grand djamâ i n’y ei ret pu comprédrePeiret de l’y sondjie la sona me peut prédre.

Le djeu du querbellion ne serei pas reubiâ ;

Por trova le bon mot é lâu on poue djôbiâ.

Ne satet vo pas beï qu’à lesi fà pagnie ;

Ma i voz’aprèdrî aies adjovagnie.