378

LES DESSOUS DE L’HISTOIRE

LETTRE DE M. DE CHARON (1)Monseigneur,

Le Parlement de Bourdeaux ayant donne' ces jours passez ungarrest sur requeste portant que le temple de ceux de la R. P. R.de la ville de Pujols seroit desmoly, les habitans de ceste pro-fession se sont pourveuz en la Chambre de l’Édit, en laquelle yayant eu partage sur la re'tention, et depuis instance au Conseilen resgalement de juges, le seigneur du lieu, attroupe' de deuxcens hommes armez, a faict, en trois heures, nonobstant lesoppositions des dits habitans, exécuter le dit arrest sur requeste,ce qui estant venu à ma cognoissance, j’ay creu estre obligé dedonner advis à Vostre Grandeur de ceste infraction aux Édits età la dernière déclaration de Sa Majesté, estimant que ceste action,qui a grandement esclaté en ceste province, ne luy debvoit pasestre cachée. Elle pourra, Monseigneur, mieux que tout autrepeser la conséquence de ceste entreprinse, et juger sy les subietzde Sa Majesté, qui vivent soubz le bénéfice de ses Édits, peuventse tenir asseurez de ce qui leur est plus cher que leur vye, syle Parlement, sur de simples requestes, sans cognoissance decause, ordonne le razement des temples et commence les procé-dures par l’exécution. Il a donné ung pareil arrest contre lestemples de Bergerac et de Montpassier, qui sont bastis il y aplus de soixante ans, et a ordonné leur desmolition sans ouyr lesparties, qui appréhendent une pareille exécution. II importe syfort à la tranquillité publique d’arrester ces entreprinses et in-fractions, que je me persuade, Monseigneur, que Vostre Grandeury apportera le remède convenable, et je continueray de prierDieu pour sa prospérité et félicité, comme estant,

Monseigneur,

vostre très-humble et très-obéissant serviteur,

De Bourdeaux, ce 10 avril 1646.

De Charon.

(1) Dossier n° 87, pièce 53.