300 MÉMOIRES D’OLIVIER DE LA MARCHE.

chappitres. Le chevalier choisit la haiche, et print l’unedes deux ; et furent les espées rapportées, et l’autrehache deslivrée à ceulx qui servoient l’entrepreneur.

Pendant ce temps se faisoient les cris par les roysd’armes et heraulx aux quatre coings de la lice, etcommandoient, de par le duc de Bourgoingne, quenul ne demourast en la lice close, s’il n’estoit commisdu duc ou de son mareschal, ou s’il n’avoit de sa per-sonne combatu en lices ou champs clos ; etdeffendoient,sur peine d’estre corporellement puni à la voulenté duprince, que nul, de quelque estât qu’il fust, ne par-last, toussist ou fist signe pour advantaiger ou advan-cer nul des champions, en faisant et fournissant labataille de leurs armes. Toutes les serimonies et appa-reil/ appertenans à tel cas furent faictz, lesquellesj’ay voulu bien au long escripre, tant pour ce que cefurent les premières armes que je veis oncques, commeaussi pour apprendre et advertir les lisans, se besoingen ont, des nobles serimonies appertenans aux nobleset recommendez mestiers d’armes.

Environ neuf heures du matin, les deux chevaliersfurent prests, conseillez et desliberez, et se retraïctchascun de la lice, excepté huict hommes d’armesarmez de toutes pièces, aians chascun ung bon 1 bastonblanc en la main, sans aultre glaive, et furent 2 par lalice par bonne ordonnance, pour séparer les championsquant besoin seroit. Et ne demoura guyeres que mes-sire Pietre Vasque de Saavedra saillit hors de sonpavillon, la cotte d’armes au doz et le bacinet en lateste ; et avoit ledit messire Pietre fait desclouer et

1. « Long. #

2. « Rangés. »