DE LAS ESTRELLAS QUE SON EN EL ZODIACO.

63

XXII. CONSTELACION DE LA OCHAUA ESPERA.

De la figura del signo de TAURO, et de las estrellas que son dentro et fuera de la forma.

Del signo de aries auemos ya fablado et de sus estrellas: agora queremosdezir de la figura del signo de tauro. á que llaman en latin tauro. et encastellano toro, et en aráuiguo al-taur. et a en ella .XLIII. estrellas, et ay dellas fuera de la forma .XI. Et la primera de las que son en la forma es laseptentrional de las quatro que son en la taíadura. Et la segunda es despuésdesta. Et la tercera es otrossí después desta. La quatrena es la mas miridionalde las quatro. et estas quatro son en el logar de la taíadura del toro. Et la cin-quena es la que sigue á estas, et es en la espalda diestra. La sessena es enlos pechos. Et la setena es en la rodiella diestra. La ochena es en la quartielladesta mano diestra. Et la nouena es en la rodiella sinistra. Et la dezena esen la quartiella desta mano sinistra. Et la onzena es en la nariz de la cara.La dozena es entre la nariz et entrell oío septentrional. Et la trezena esentre la nariz et entrell oío miridional. La catorzena es la luziente que esen ell oío miridional. et es nombrada aldebaran. et es la quarta manpion.Et la quinzena es en ell oío septentrional. La diez et sessena es en la rayzdel cuerno de la oreía miridional. Et la diez et setena es la miridional de lasdos que son en el cuerno miridional. La diez et ochena es la septentrionaldestas dos. La diez et nouena es la que es en el cabo del cuerno miridional.La ueyntena es en la rayz del cuerno septentrional, et la estrella que es encabo del cuerno septentrional es en el pie diestro del tenedor de las riendas.et es contada de la otra constellacion. et non es contada en ¡esta de tauro. caes común á estas dos constelaciones. Et la ueynte et una es la septentrionalde las dos que son en la oreía septentrional. La ueynte et dossena es la miri-dional destas dos. Et la ueynte et tressena es la delantrera de las dos pequen-nas que son en el pescuezo. La ueynte et quatrena es la siguiente destas. Etla ueynte et cinquena es la miridional de las dos que son en la linna delan-trera del quadrángulo que es en el pescuezo. La ueynte et sessena es la sep_tentrional destas dos. Et la ueynte et setena es la miridional de las dos queson en la linna siguiente del quadrángulo. La ueynte et ochena es la septen-trional destas dos. Et la ueynte et nouena es la que es en el cabo septentrional