DE LAS ESTRELLAS QUE SON EN EL ZODIACO.

73

XXVII. CONSTELACION DE LA OCHALA ESPERA.

De la figura del signo de LIBRA, et de las estrellas que son dentro en la forma, et de

las de fuera della.

Libra dizen en latín á este signo, que es la septena figura de los signos,et en castellano la llaman libra, et en aráuiguo almizen. Et a en estafigura .XVII. estrellas. Et ay della .VIII. dentro de la forma et .IX. fuera de-lla. Et de las que son dentro en la forma es la primera la mas luziente de lasdos que son en cabo de los colgaderos miridionales. La segunda es la oscu-ra. et es septentrional destas dos sobredichas. La tercera es la mas luziente delas dos que son en los cabos de los colgaderos septentrionales. La quatrenaes la escura, et la delantrera destas dos sobredichas. Et la cinquena es en me-dio del colgadero septentrional. La sessena es la delantrera desta. et es en estecolgadero mcsmo. Et la setena es en medio del colgadero septentrional. Laochena es la que sigue á esta, et es en somo deste colgadero mesmo. Et laprimera de las nueue que son fuera de la forma es la delantrera de las tres(pie son septentrionales del colgadero septentrional. La segunda es la miri-dional de las dos que fincan. La tercera es la septentrional destas dos. Laquatrena es la siguiente de las tres que son dentro los dos colgaderos. Et lacinquena es la septentrional de las dos delantreras que fincan. La sessena esla miridional destas dos. La setena es la delantrera de las tres que son miri-dionales del colgadero miridional. Et esta estrella non nombró Ptolomeo . etes de la mancion de al-iclyl. que es la diez et sessena maneion. La ochenaes la septentrional de las dos siguientes que fincan. Et la nouena es la miri-dional destas dos.

Este signo de libra es estranno et marauilloso en muchas maneras, ca éll

es fecho á significanca de balanca drecha et ygual. porque son los dias ygua-

les con las noches quando el sol entra en el comencamiento deste signo. Et

esta figura composieron los antigos sabios de las estrellas de dos signos, de

uirgo que uiene ante ella, et de escorpión, que uiene después. Et esta es casa

de venus, de que rescibe muchas uertudes et muchas fuercas pora bien. Et

por ende qui de la uertud deste signo se quisiere ayudar, es mester que

pare mientes á la planeta de venus, et en sus estados, et en sus mouimien-

tos. et en sus flaquezas, et en sus fuerzas, et en sus alegrías, et en sus due-

22