DE LAS ESTRELLAS DE MEDIODIA.
111
La treynta et cinquena es en cabo (le la mano del cauallo.
La treynta et sessena es en la rodiella del braco sinistro.
La treynta et setena es la de fuera que es so el pie detrás.
Et de las diez et ocho estrellas que son en la figura del lobo, es la primeraen cabo del pie postremero, escuantra la mano del centauro.
La segunda es en el plegó desta pierna.
La tercera es la delantrera de las dos que son en la espalda.
La quatrena es la siguiente destas dos.
La cinquena es en el medio cuerpo del lobo.
La sessena es en el uientre so el ombligo.
La setena es en la coxa.
La ochena es la septentrional de las dos que son en la rayz de la coxa.
La nouena es la miridional destas dos.
La dezena es sobre las rennes.
En este logar acaesce la estrella que nombró Ptolomeo la miridional de lastres que son en la parte postremera de la cola, et es segund él puso la onzena.mas las otros sabios non la possieron en esta conta. segund de suso mostramos.La dozena es la mediana destas tres.
La trezena es la septentrional destas tres.
La catorzena es la miridional destas dos que son en el pescueco.
La quinzena es la septentrional destas dos.
La diez et sessena es la delantrera de las dos que son en el rostro.
La diez et setena es la siguiente destas dos.
La diez et ochena es la miridional de las dos que son en la mano.
La diez et nouena es la septentrional destas dos.
En esta figura a tantas uertudes et tantas marauillas. que sería grandcosa de contar.
Pero lo mas a lo del centauro, que son dos figuras, la una delque es medio orne et medio cauallo. la otra porque tiene de la ma-no sinistra colgado un lobezno, et en la diestra tiene un ramo, ase-meíante quel quier ferir con él. El ramo et el lobo todos son cubier-tos de estrellas de la fayc,on del centauro. Et por esso possien lossábios que eran dos figuras cada una. porque quier que la una tó-mese la otra, sin auer departamiento entre ellas. Onde qui bien es-