153

PRÓLOGO.

Este libro es dell alcora. que es dicha en latin alcora. que compuso unsabio de oriente que ouo nombre Cozta. Et fabla de todo ell ordenamientodell espera á que dizen en aráuiguo vet alcorcy. que quier tanto dezir cuernola espera que está sobre la siella. et fizo este libro en aráuiguo. Et despuésmandólo trasladar de aráuiguo en lenguage castellano el Rey 1). Alfonso, fijodel muy noble Rey D. Fernando, et de la Reyna donna Beatriz, et sennor deCastiella. de Toledo, de León, de Gallizia. de Seuilla. de Córdoua. de Murcia ,de Jalien et dell Algarue. á maestro Jolian Daspa so clérigo, et á Yhuda el Co-heneso. alhaquin. Et fue fecho jueues .VI. dias de liebrero en era de mili etdos cientos et nouenta et siete annos. el seteno anno del regno deste reysobredicho. Et en el tiempo que andaua la era en mili et trescientos et quinzeannos. et auia .XXV. annos (pie él regnaba fízolo componer et enderecar. ettrasladado aquí en este libro.

l)e las cosas que parescen en ell alcora. et ele lo que pueden obrarcon ella. En esta alcora paresce la forma, et ell estado del cielo, et la diuersi-dad de los mouimientos del sol. et de la luna , et de los planetas, et de las otrasestrellas según las ladezas de las uillas.

Et por qué razón mengua el dia. et crcsce por todo logar, et por todaladeza.

Et por qué razón es siempre ygual en la linna equinoccial, do es siempreel dia .XII. horas, et la noche otras .XII. horas.

Et por qué razón se faze en un logar todo ell anno un dia natural, (pie esun dia et una noche. Ca todos los seys meses son un dia. et los otros seysuna noche.

Et en otros logares por qué acaesce que quatro meses son un dia. et cua-tro meses una noche.

Et en otros, tres meses un dia. et otros tres una noche.

Et en otros, dos meses son un dia. et otros dos una noche.

Et en otros un mes un dia. et un mes una noche, et mas desto que es dicho,et otrossí menos.

Et en otros logares llega el mayor dia á .XXIIII. horas, et la mayor nocheotrossí á .XXIIII. horas, et mas desto. et menos desto.

32