LIBRO m.

92

tas nueue en aráuiguo aclahueyb. que quier dezir los colgaderos. Et laueynte et sessena es la delantrera de las tres que son en la cinta. Et la ueynteet setena es la mediana destas tres. Et la ueynte et ochena es la siguientedestas tres. Et dizen á estas tres que son en la cinta, en aráuiguo almanteca.que quier dezir la cinta, et dízenle otrossí alnidam. que quier dezir sarta.La ueynte et nouena es en el mango de la espada. Et la treyntena es la sep-tentrional de las tres que son ayuntadas en el cabo de la espada. La treynta etuna es la mediana destas tres. Et la treynta et dossena es la miridional destastres. La treynta et tressena es la siguiente de las dos que son en el cabo dela espada. Et la treynta et quatrena es la delantrera destas dos. Et la treyntaet cinquena es la luziente que es en el pie sinistro. et dízenle en aráuiguoriocel algeuze. que quier dezir el pie sinistro de urion. et es común á estaforma, et á la forma del rio. Et la treynta et sessena es la septentrional desta.et es sobrel touiello. Et la treynta et setena es so el talón sinistro de fuera.Et la treynta et ochena es so la rodiella diestra siguiente.

Esta figura de urion es muy marauillosa. Ca es fecha cuerno forma de orneque está en pie uestido. pero descalco las piernas, et los pies, et fien unaespada cinta, non mucho apretada á la cintura, mas cuerno colgada y á quan-to. Et en el braco sinistro tien una manga colgada quel cubre toda la mano, etdesciende y á quanto mas del ynoío. et en la otra mano diestra tien un palo cue-rno tuerto en el cabo, et la manga sinistra cuerno si quissiese escudarse conella, et el palo cuerno si quissiese ferir con él. Et ell un pié tiene fincado de-lantre et ell otro tendudo. cuerno si quissiese cosrer. ó saltar, ó esperar effor-cadamientre alguna cosa con que ouiesse á lidiar. Et porque está assí cuernoorne fuerte et arreciado, unos le llaman poderoso, et otros ualiente. et essomesmo quier dezir urion. Onde en esta figura qui bien escodrinnar su fecho,fallará grandes huebras, et fuertes et marauillosas.