DE LAS TAULAS ALFONSÍES. 129

se ayuntar de los dias. et depues torna los annos de la era sabuda á losannos de la era demandada, assí cuerno se dixo en ell ochauo capí tolo, etguarda lo que fuer de los annos de la era sabuda depues que los tornaste ála era demandada. Et si acontescier que aya con ellos algunos dias de mas.ayúntalos á los dias que auias guardado, pues si se ayuntaren dellos masde dias de un anno de los annos daquclla era demandada, mingua de losdias de un anno. et guarda lo demás si son dias. Depues annade en la quan-tía de los annos un anno. et lo que fuer depues de los annos complidoset de los dias. essos son los annos de la rayz et sus dias. por esso guár-dalos. Depues sabe quánto a entre las dos eras de los annos que son dela natura daquella era demandada, et de los dias. assí cuerno deximos enel dézimo capítolo. et lo que fuer, essa es la differencia. guárdala. De-pues cata si fuer la era demandada mas antigua que la sabuda. annade losannos de la differencia et sus dias sobre los annos á la rayz. et sobre susdias.

Et si fuer la era sabuda mas antigua de la demandada, mingua los an-nos de las differencias. et sus dias. de los annos de la rayz et de sus dias.et lo que se ayuntar depues ó lo que quedare de annos et dias. guárdalo.Depues cata los dias que tú guardeste con los annos. pues si fuer de masdias de un anno. míngualos dellos. et annade en la quantía de los annosuno. et depues toma lo que sobró de los dias. et tórnalos meses daquellaera demandada, dando á cada mes dellos la quantía de sus dias. et comiencacon el primer mes de los meses daquella era assí cuerno auemos demostradoen lo passado. Pues si ouiere con los dias fracción, quando tú sacares la eraAlfonsí de otra era un quarto de dia. ó mas de un quarto. ó quando sa-cares la era aráuiga de otra era mas de medio dia. alca aquella fracción ádia complido. et annádelo sobre los dias. Et si fuer aquella fracción quan-do tú sacares la era aráuiga de otra era medio dia ó menos, échalo, et nonlo metas en cuenta. Et lo que fuer depues desto de la quantía de los annoset de los meses, et de los dias. esso será lo passado desde el comiendo da-quella era demandada fata el dia en que tú estás.

Et si quissieres fazello en otra manera, ordena la era sabuda. et tómalatoda en dias. et annade sobrellos los dos dias que son sobre las dos eras, sifuer la era demandada mas antigua que la sabuda. ó míngualos dellos sifuer la era sabuda mas antigua que la demandada, et lo que se ayuntaró fincar depues desto de los dias. tórnalos annos de la natura de los annosdaquella era demandada assí cuerno arriba se dixo. et lo que fueren losannos guárdalo, et lo que quedar de los dias tórnalo meses de la naturade los meses daquella era. dando á cada mes la quantía de sus dias. et co-mienza con el primer mes de los meses daquella era. et lo que fuer depuesde annos. et de meses, et de dias. esso es lo que passó desde el comiendodaquella era demandada fata el dia en que estás.