De la figura del TRIANGULO, et de los nombres de sos estrellas.
Las estrellas de la figura del triángulo son quatro. et las nombradas dellasson dos. Et dizen á la primera rag almutellet. que quier dezir cabera deltriángulo . Et nombran á esta misma con la segunda enigem . que quier dezirlos dos mangos.
DE LOS SIGNOS DEL ZODIACO.
De la figura del signo de ARIES, et de los nombres de sos estrellas.
En la figura del signo de aries a treze estrellas, et cinco fuera de la for-ma. Et las nombradas dellas son siete. Et llaman á la tercera, et á la quatrena.et á la cinquena. alnach. que quier dezir empuocamiento . et es la primeramangion de la luna . Et dizen á la primera de las que son fuera de la fi-gura annatich. que quier dezir empuocador. Et nombran á la setena, et á laochena. et á la nouena. albotayn. que quier dezir uientre pequenno. et esla segunda mangion de la luna . Et dízenle uientre pequenno porque ayadepartimiento entre éll. et ell otro á que dizen uientre del pez.
De la figura del signo de TAURO, et de los nombres de sos estrellas.
Las estrellas de la figura del signo de tauro son .XXXII. et fuera de la formaonze. Et las nombradas dellas son diez et siete. Et llaman á la ueynte et no-uena. et á la treyntena. et á la treynta et una. et á la treynta et dossena. ago-raya. Et en el conmedio destas quatro ay otras tres menudas, que se fizie-ron todas semblantes de razimo de ubas. porque son grandes et acercadastodas una á otra, et por esto tienlas cuerno por una estrella, et dízenles an-neocni. que quier dezir la estrella. Et nómbranlas otrossí las estrellas deagoraya. et agoraya quier dezir ahondamiento, et dizen los alárauesque quando estas estrellas suben ante los rayos del sol. que las lluuias queuien en aquel tiempo son benitas, et fazen bien, et ahondamiento en la tierra,et tomaron el nombre en forma pequenna. porque son estrellas pequen-nas. et mucho acercadas unas á otras, que deuien dezir agaroc. et dixe-ron agoraya. en forma pequenna. Et dízeles el pueblo agoraya. por-que semeía á lámpara, ca agoraya en aráuiguo quier dezir lámpara.et es la tercera mangion de la luna . Et dizen á la catorzena adda-