136
LIBRO mi.
De la figura del signo de SAGITTARIO. et de los nombres de sos estrellas.
Las estrellas del sagittario son .XXXI. et las nombradas dellas son .XVIII.Et dizen a la primera, et á la segunda, et á la tercera, et á la ueynte et cinquenaque fazen quadrángulo retorcido, annam elueri. que quier dezir estruciosque uienen ó que llegan. Et llaman á la sessena. et á la setena, et á la ueynteet dossena. que fazen otrossí un quadrángulo retuerto, annam agahadir. quequier dezir estrados que se -parten . Et dizen á la quatrena et á la dezenaadalim ayn. que quier dezir las dos oscuras, et quier dezir otrossí nidode los estrados, et al logar que es entre las dos compannas de los estruciosdizen alnaz. que quier dezir ligamento. Et dizen á todas estas estrellas an-naym. que quier dezir los estrucios. et es la ueyntena mangion de la luna .Et nombran á la nouena de las otras estrellas, et á la dezena. et á la onzena.et á la dozena. et á la trezena. et á la catorzena. alquile da. que quier dezircolgadero. Et nómbranlas otrossí alcalayz. que quier dezir otrossí colga-deros. Et nómbranlas otrossí elidahe. que quier dezir los ueuos de losestrados.
Et dizen á la ueynte et tressena orcob alrami. que quier dezir el touiellodel sagittario. Et dizen á la ueynte et quatrena rocbec alrami. que quierdezir la rodiella del sagittario. Et llaman al logar que es so el colgadero, enque non a estrella ninguna, albelda, que quier dezir cibdat. Et es laueynte et una mansión de la luna .
De la figura del signo de CAPRICORNIO, et de los nombres de sos estrellas.
En la figura de Capricornio a .XXVIII. estrellas, et las nombradas dellasson cinco. Et llaman á la primera, et á la segunda, et á la tercera, gat alde-beh. que quier dezir uentura del degollador. Et es la ueynte et dossenamangion de la luna . Et nombran á la ueynte et dossena et á la ueynte ettressena. que son en la cola, gad neooira. que quier dezir uentura abierta.et dízenles otrossí el mehob ayn. que quier dezir los dos amantes, etdízen-les otrossí deneb elgeti. que quier dezir la cola del Capricornio.